CEADOR DE MAIO

O pasado venres 31 de maio tivemos música e sabores para estimular os sentidos.
Moitas ghrasias a todxs por vir unha vez máis
e nós encantadxs de traballar para os praceres e a saúde!
Vémonos no próximo ;)

EXPOSICIÓN FOTOGRÁFICA: "A crianza con apego é a nosa forma de cambiar o mundo"

O grupo de crianza VinculArte organiza a exposición titulada:  

A crianza con apego é a nosa forma de cambiar o mundo.

Esta exposición conta coa colaboración da fotógrafa Natalia G. Devesa e da Asociación Cultural A Zalenvá. Trátase de imaxes de familias nas que se transmiten valores como o respecto e a confianza, a lactancia, a importancia do contacto físico, o coleito … 

A exposición permanecerá dende o 27 de marzo ata o 30 de abril. Poderédela ver en distintos escaparates de comercios da Valenzá: La Cigüeña, Dolce Caruso, O Gato con Botas, Artlandia, Carussa, Calviño e Teresa Fontao. No mes de maio, a mostra partirá para varios comercios locais da cidade de Ourense.

VinculArte é un grupo que nace co obxectivo de crear un espazo de encontro e apoio ás familias, cun ambiente de confianza e comprensión, no que os participantes poidan compartir as súas inquedanzas, dudas e intereses sobre a crianza e a educación dos fillos. O espazo está aberto tamén a aquelas persoas que amosen interese e sensibilidade pola crianza respectuosa.

O grupo fai encontros quincenais os mércores na rúa do Ensino, no local social da asociación de veciños San Bernabé.

Entre as actividades que realizan están as seguintes: Préstamo de libros, tablón de troque ou compra-venda de artigos de segunda man, obradoiros infantís e encontros con profesionais.

Máis información no enderezo electrónico: vinculartegrupocrianza@gmail.com

CEADOR VEGANO

Pasen & Vegan..!

O pasado venres 15 de marzo degustamos novamente os pratos veganos cocinhados dende A Zalenvá para novos e vellos paladares que nos acompanhan nesas gostosas noites dos venres...
Muito obrigadas por participar unha vez máis deste proxecto!!
Ahhh, para os vindeiros ceadores haberá sorpresas e tentaremos difundir esas receitas que tanto vos deleitan... ;)

Saúde e Pracer!!

Este mes de Febreiro...

Dende a Zalenvá querémosvos convidar este ano ás

Xornadas "Centros de Menores:

Pechadxs en Deocracia II"

organizadas pola recén creada Asemblea de apoio @s menores

Terán lugar no Campus universitario de Ourense o vindeiro Xoves 21 e Venres 22, onde contaremos coa Asemblea contra os centros de menores de Madrid, coa abordaxe da medicalización da infancia por parte da Xuntanza Antiprohibicionista e con relatos contados en primeira persoa.
Ademais o sábado 23  na Casa da Xuventude teremos a oportunidade de conhecer ao colectivo Saltando Charcos de Burgos e o seu proxecto de rúa "La Otra Escuela", un grupo de mozxs que encontraron no hip-hop e no breakdance un medio para a expresión das súas inquedanzas e que actuarán no C.S.O Kasa Negra esa mesma noite ás 20hs.
Saltando Charcos configúrase como un proxecto solidario con menores, mocidade e as súas familias que por diferentes causas, xa sexan, económicas, políticas ou sociais encóntranse nunha situación de desventaxa social. Trátase dunha iniciativa que participa de forma activa na vida comunitaria do barrio. Para máis info: http://saltandocharcosburgos.blogspot.com.es/

Agardámosvos para descubrir, confrontar, cuestionar, repensar, discutir, transformar...

Non é preciso inscribirse, chega coa vosa asistencia curiosa e rebelde...

Gracias e saúdos!!